مي حلمي: ”إذا كررت تجربة الزواج لازم يكون مصري.. والتريند يبحث عني”
حلت مُقدمة البرامج الرياضية الإعلامية مي حلمي ضيفة في برنامج تفاعلكم الذي يعتمد على الإجابة السريعة عن 25 سؤال يتم توجيهها لها.
ونقدم إليكم الأسئلة التي تم طرحها على مي حلمي، وكيف كانت إجابتها عنها:-
- هل أنتِ أشهر مذيعة رياضية في مصر؟
نعم
- مشاكلك جعلتك مشهورة أكثر من شغلك؟
لا
- تنزعجي لما أحد يقول انك من أحد مشاهير مواقع التواصل؟
الأول كنت بتضايق، دلوقتي مبقتش اتضايق لأن انتِ سألتيني لو أنا أشهر مذيعة كرة، وأنا قولت نعم.
- فريق تشجعيه؟
برشلونة، ومصري: الأهلي.
- لية تنكري أنك عاملة عمليات تجميل؟
أنا مش بنكر، بالعكس، أنا قولت إني عملت شفايفي بس، لكن حاجة تانية لا وأنا رديت عليها كتير.
- ما هو طموح مي حلمي؟
معنديش سقف لطموح، الفترة الأخيرة قابلك كل اللاعبين اللي أي حد يتمني يقابلهم، أنا مش عارفة إيه اللي جاي بس لحد دلوقتي أنا راضية، الحمد لله.
- الدراما على السوشيال ميديا بتقتل مصداقيتك كإعلامية؟
لا خالص.
- هل الإعلامية المرأة في مجال الرياضة مظلومة؟
جدًا.
- لو قررتي تتزوجي مرة أخرى ما أهم صفة ستبحثي عنها في الرجل؟
لازم يكون مصري.
- هل تعيشي حالة حب حاليًا؟
احتمال أقرب إلى النعم.
- نصيحة توجهيها للمرأة بناء على تجربتك؟
متتنازلش عن حقها مهما حصل، متسبش كرامتها تقع فى الأرض، متسامحش أكثر من المسموح به.
- كم مرة تم رفدك في حياتك؟
اترفدت من مكانين كانوا مهمين فى حياتي، ولكن بقال ثلاث سنوات محققة أكبر نجاح كمذيعة رياضة في برنامج مهم.
- ما مؤهلات مي حلمي لتصبح مذيعة رياضية؟
ذاكرت، لو سألتك كم عدد فريق أي نادى أنا هعرف، وأنت مش هتعرفي.
- أعلنتي أنك تفكري بالاعتزال، لماذا؟
مليت من تدخل الناس فى حياتي، مليت من حكم الناس لأن أنا شخص لا يبرر حتى لو اتظلمت، فكرت أكون مش موجودة لأني عاوزة أعمل أسرة بعيدة عن أى دوشة.
- إلى أي درجة أنتِ بكاءة فى فيديوهاتك على السوشيال ميديا؟
مش سهل أبكي أنا بكيت مرة واحدة بس عشان حد في حياتي ميحصلوش حاجات مش لطيفة.
- تبحثي عن التريند، أم التريند من يبحث عنك؟
اعتقد لما أكتب في استورى مش ظاهرة لحد، إنى مش عايزة حد يعرف عني حاجة، وابقى تريند رقم2، على جوجل يبقى التريند اللي بيدور عليا.
- كيف وأنتئ عروسة، يسيبك عريسك يوم الفرح، وترجعي تسامحيه وتتجوزيه؟
مش هقول غبية عشان أنا بمثل نساء كتير وطبيعي تجرى وراء قلبك.
- هل انتحى حاليًا سعيدة؟
نعم.
- هل حصل لكِ إجهاض بسبب إجراءك لعملية شفط خلال فترة الحمل؟
دي حاجة تدين أى دكتور، أنه يكون عارف ان فى ست حامل فى الشهر الثالث، طب استنى على الاقل أخلص حملي، وبعدها أعمل اللي عوزاه، ده الطبيعي يعني.
- البعض ينتقدك ويقول إطلالتك، وملابسك جريئة أكثر مما ينبغى، كيف تردِ؟
اعتقد ملابسي كش بيكون فيها أى شئ باين، ممكن نشوف الفاشونستات مش هقولك المذيعات.
- لماذا توقفتي عن الهواء فترة؟
لم اتوقف كان خبر غلط، وزي ما قولتي التريند بيدور عليا فالناس كتبت ان برنامجي توقف، ولكن برنامجي لم يتوقف.
- هل رفعتى أي قضايا على طليقك، أو حصلتي على حقوقك القانونية؟
لم أرفع أي قضايا سواء نفقة أو مؤخر، ولم أحصل على أي حقوق، وذلك لأجل عيون أمي.
- انتي متهمة بالاستعراض، والفشخرة على حساباتك، كيف ردك؟
عادي، أنتى كمذيعة معروفة مش بتلبسي براندات، كل الستات أدام مرايتها كده، وللي بيجيب شنطة حلوة بيصورها.
- هل اتعرض عليكي التمثيل؟
نعم، فى الأول رفضت، ولككن لو فكرت أكون موجودة الفترة الجاية هعيد حساباتي فى حاجات كثيرة.
- لماذا يكرهك جمهور الزمالك؟
لأنه يعرف إنتمائي.
- لو هشتريلك تيشيرت، تكتبي عليها اية حكمة أو جملة؟
الحب هو كل شيء.
حللها كارل ماركس ، وإحنا مااتعلمناش
صبحي رمضان الجعفري يكتب : عفركوش
الامارات أبهرت العالم أجمع بالحدث التاريخي والفريد من نوعه اكسبو دبي 2020
المهندس رجب الدسوقى يكتب.. العرب يملكون مقومات السوق العربية المشتركة
مديرية تموين كفر الشيخ تتسلم ٢٢٤٥٦ طن قمح حتي صباح اليوم
بنك مصر يرعى البطولة العربية العسكرية الأولى للفروسية
زيادة الحركة السياحية الوافدة لمصر 4% بالربع الأول من 2024
السيسى : المدينة الأوليمبية بالعاصمة الإدارية تستضيف جميع البطولات والمسابقات الدولية